“Ekoloji təmiz məhsul və aqrobiomüxtəliflik” respublika müsabiqəsi başa çatıb

22.11.2016

“Ekoloji təmiz məhsul və aqrobiomüxtəliflik” respublika müsabiqəsi başa çatıb

“Ekoloji təmiz məhsul və aqrobiomüxtəliflik” mövzusunda məktəblilərin respublika müsabiqəsinin final mərhələsi keçirilib.

Müsabiqənin 8 zona mərhələsində 8 nominasiya üzrə 1500 iştirakçıdan 100 məktəbli yekun mərhələsində iştirak edib. Respublika üzrə 31 şəhər və rayon bu müsabiqədə qeydiyyatdan keçib.

İştirakçıların il ərzində apardıqları müşahidələr haqqında məlumatlar, becərilən kənd təsərrüfatı bitkiləri və fotoşəkillər Bakı Ekspo Mərkəzində keçirilən “Xəzər: Ətraf Mühit üçün Texnologiyalar” 7-ci Azərbaycan Beynəlxalq Ətraf Mühit Sərgisində nümayiş olunub.

Bir il ərzində məktəblilər ekoloji təmiz yerli mədəni bitki sortlarının becərilməsi, yerli heyvan cinslərinin qorunub saxlanılması, kənd təsərrüfatı sərvətlərinin öyrənilməsi, onların səmərəli istifadəsi, bərpası və mühafizəsinə dair nәzәri vә praktik biliklәr öyrәniblər.

Təhsil Nazirliyi Məktəbdənkənar fəaliyyətinin təşkili şöbəsinin müdiri Vasif Məmmədov, Kənd Təsərrüfatı Nazirliyinin nümayəndəsi Seymur Səfərli, Milli Məclisin sektor müdiri Şamil Hüseynov, Ukraynanın Azərbaycandakı səfiri Aleksandr Mişenko çıxış edәrәk ölkәmizdә aqrar sektorun inkişafından vә gәnc nәslin bu istiqamәt üzrə  fəaliyyətindən danışıblar.

Müsabiqənin keçirilməsində əsas məqsəd aqrobiomüxtəlifliyin qorunması, ekoloji təmiz və ənənəvi kənd təsərrüfatı məhsullarının əldə edilməsində məktəblilərin fəal iştirakını təmin etmək, ekoloji təmiz bitki sortlarının becərilməsi, yerli heyvan cinslərinin qorunub saxlanılması, kənd təsərrüfatı məhsullarının öyrənilməsi və mühafizəsinə dair şagirdlərin maarifləndirilməsindən ibarətdir.

Müsabiqə Təhsil Nazirliyinin Respublika Ekoloji Tərbiyə və Təcrübəçilik Mərkəzinin təşkilatçılığı, Ekologiya və Təbii Sərvətlər Nazirliyi və Kənd Təsərrüfatı Nazirliyinin dəstəyi ilə keçirilib.

Sonda gənc tədqiqatçılar qızıl medal, diplom və sertifikatlara layiq görülüblər.

Mənbə

“Ekoloji təmiz məhsul və aqrobiomüxtəliflik” respublika müsabiqəsi

“Ekoloji təmiz məhsul və aqrobiomüxtəliflik” respublika müsabiqəsi

16-18 noyabr tarixlərində Bakı Biznes Mərkəzində “Ekoloji təmiz məhsul və aqrobiomüxtəliflik” mövzusunda məktəblilərin respublika müsabiqəsinin sonuncu mərhələsi keçiriləcəkdir.

Müsabiqənin 8 zona mərhələsində 8 nominasiya üzrə 1500 iştirakçıdan 200 məktəbli yekun mərhələdə iştirak etmək hüququ qazanıb.

İştirakçıların il ərzində apardıqları müşahidələr haqqında məlumatlar, becərilən kənd təsərrüfatı bitkiləri və fotoşəkillər Bakı Ekspo Mərkəzində keçiriləcək “Xəzər: Ətraf Mühit üçün Texnologiyalar” 7-ci Azərbaycan Beynəlxalq Ətraf Mühit Sərgisində nümayiş olunacaq.

Qaliblər Təhsil Nazirliyi tərəfindən diplom və qiymətli hədiyyələrlə mükafatlandırılacaqdır.

Müsabiqənin keçirilməsində əsas məqsəd aqrobiomüxtəlifliyin qorunması, ekoloji təmiz və ənənəvi kənd təsərrüfatı məhsullarının əldə edilməsində məktəblilərin fəal iştirakını təmin etmək, ekoloji təmiz bitki sortlarının becərilməsi, yerli heyvan cinslərinin qorunub saxlanılması, kənd təsərrüfatı məhsullarının öyrənilməsi və mühafizəsinə dair şagirdlərin maarifləndirilməsindən ibarətdir.

Müsabiqə Təhsil Nazirliyinin Respublika Ekoloji Tərbiyə və Təcrübəçilik Mərkəzinin təşkilatçılığı, Ekologiya və Təbii Sərvətlər Nazirliyi və Kənd Təsərrüfatı Nazirliyinin dəstəyi ilə keçirilir.

Mənbə

Gəncliyimiz təbiəti qorumaq üçün birləşir | Bizim Gənclik İctimai Birliyi

Tebieti qoruyaq

“Ekoloji yönümlü və enerji effektli məktəblərin yaşıl şəbəkəsi” layihəsi

Bakı şəhərində “Ekoklub”ların fəaliyyət göstərdiyi 30 pilot ümumi təhsil müəssisəsində “Ekoloji yönümlü və enerji effektli məktəblərin yaşıl şəbəkəsi” layihəsinə start verilib.

Təhsil Nazirliyinin Respublika Ekoloji Tərbiyə və Təcrübəçilik Mərkəzi tərəfindən “Yaşıl şəbəkə” ekoloji maarifləndirmə  proqramı çərçivəsində həyata keçirilən layihənin məqsədi fasiləsiz dayanıqlı ekoloji təhsilin inkişafını möhkəmləndirmək, məktəblilərin ətraf mühitin mühafizəsi tədbirlərində fəal iştirakını təmin etməkdir.

Layihə üzrə pilot ümumi təhsil müəssisələrinin şagirdlərinə vətəndaşların qənaətcil davranış prinsiplərinə xidmət edən enerji ehtiyatlarından səmərəli istifadə, tullantıların təkrar istifadəsinin kreativ həlli, suyun qənaətlə istifadəsi, sağlam qidalanma, iqlim dəyişmələrinin təsirinin azaldılması bacarıqlarının aşılanması nəzərdə tutulur.

Layihə çərçivəsində pilot məktəblər “Məktəblərin yaşıl şəbəkəsi” mövzusunda keçiriləcək müsabiqədə iştirak edəcəkdir. Müsabiqənin sonunda məktəblərin ekoloji pasportlaşdırılması tərtib olunacaqdır.

Müsabiqədə fərqlənən məktəblərə “Mənim məktəbim ətraf mühitə diqqətlidir” ekoloji emblemi təqdim olunacaqdır.

Mənbə

 

Gənc meşəçilər müsabiqədə xüsusi mükafatlara layiq görülüb

Azərbaycanın gənc meşəçiləri Sankt-Peterburq şəhərində keçirilən XIII Beynəlxalq gənc meşəçilər müsabiqəsində iştirak ediblər.

Rusiya Federasiyası Ekologiya və Təbii Sərvətlər Nazirliyinin Federal Meşə Təsərrüfatı Agentliyinin dəvəti ilə  baş tutan müsabiqədə dünyanın 27 ölkəsindən  49 məktəbli və tələbə iştirak edib.

Müsabiqədə Azərbaycanı təmsil edən gənc meşəçilərin V Respublika müsabiqəsinin qalibləri ekoloji problemlərin həllinə həsr olunmuş layihələrini təqdim ediblər.

Gənc meşəçilər Ermənistanın hərbi təcavüzü nəticəsində Qarabağın sərvətlərinə və ekologiyasına vurulan zərərlərdən danışıblar.

Yekunda münsiflər heyətinin qərarı ilə Azərbaycanın gənc meşəçiləri beynəlxalq müsabiqənin diplomları və medallarla mükafatlandırılıblar.

İştirakçıların Sankt-Peterburq şəhərinin tarixi yerlərinə, Sankt-Peterburq Meşə Texniki Universitetinə ekskursiyaları təşkil edilib.

Mənbə

Фразы

“Люди гибнут от неумения пользоваться силами природы и от незнания истинного мира”.

Надпись на пирамиде Хеопса

“Жить счастливо и жить согласно с природой одно и тоже”.

Сенека

“Природа – единственная книга, содержание которой одинаково значимо для всех”.

И.В. Гете - немецкий поэт, ученый

“Природа побеждается только подчинением ей...”.

Ф. Бэкон - английский философ

“Мир достаточно велик, чтобы удовлетворить нужды любого человека, но слишком мал, чтобы удовлетворить людскую жадность”.

М. Ганди - индийский политический деятель

“Экономическое развития общества в отрыве от экологии ведет к превращению Земли в пустыню”.

..........

“Необходим переход человеческого общества от экономической к эколого-экономической системе”.

М. Стронг